逗逗家族 ＊ 梅之家

甘宇成徹夜照顧金宣兒　收視創新高

蘋果娛樂

https://hk.entertainment.appledaily.com/enews/realtime/article/20180307/57914724

由韓劇《我係金三珣》女星金宣兒夥拍甘宇成主演嘅SBS新劇《能先接吻嗎》現時喺韓國相當具人氣，港劇迷亦可於Viu同步追看，噚晚劇集播出第11及第12集，當中承接上集講到甘宇成好進擊，向金宣兒提出同床七次嘅要求，兩人仲激烈咀嘴。

而噚晚播出嘅兩集，就講到當兩人咀到入屋後，點知甘宇成嘅女兒鄭多彬就夜闖阿爸屋企，由於金宣兒同鄭多彬有過節，所以佢即時匿埋喺露台避見鄭多彬，點知最後金宣兒就凍到暈咗，甘宇成就喺床上徹夜照顧佢，仲除金宣兒件衫攬實佢瞓畀溫暖佢，到第二朝就輪到甘宇成捱唔住病倒。

金宣兒因為欠債加上不得做空姐，所以佢就要喺超級市場做收銀員，但佢就騙甘宇成自己做空姐導師，當甘宇成送金宣兒返工時，就向佢承諾只要金宣兒想使喚佢時，佢就會現身任佢使喚。兩人同坐公車，金宣兒問甘宇成：「你覺得係偶然？偶然重複幾次就成為命中注定了。」結尾小故事講到甘宇成原來已秘密地為金宣兒還債，仲暗示同金宣兒係「不能相愛的關係」。

噚晚兩集嘅《能先接吻嗎》分別得9.5%及12.5%收視，當中12.5%更係開播以來錄得最高嘅收視，繼續穩坐同檔收視冠軍，至於KBS嘅《Radio Romance》收視就跌至3.5%，排同檔第二名；MBC重播高清版《白色巨塔》亦有2.7%及3.2%收視。

更多韓流，喺晒《娛果》
http://fb.com/appledailyent