逗逗家族 ＊ 梅之家

2018.3.28

蘋果娛樂

由韓劇《我係金三珣》女星金宣兒夥拍甘宇成主演嘅SBS劇集《能先接吻嗎》，噚晚播出第23、24集，港劇迷可於Viu同步追看。

劇情承接上集，金宣兒終於知道甘宇成患絕症嘅事實，只剩一個月命，而金宣兒亦坦誠喺不知不覺中希望喺甘宇成身上得到愛，金宣兒答應當甘宇成嘅臨終護理員。

金宣兒喺甘宇成袋中發現婚姻登記書，甘宇成已準備文件等金宣兒繼承佢嘅遺產，同時原來甘宇成已準備好金宣兒女兒死亡上庭嘅證據。而金宣兒得知甘宇成時日無多，所以就向甘宇成女兒鄭多彬提出一齊生活嘅要求，仲叫鄭多彬搬入嚟一齊住。

而金宣兒同甘宇成拍拖時，主動提及已離世嘅女兒，佢話因為媽媽買咗一種有危險但小朋友都鍾意食嘅餅乾畀女兒，所以佢從法國趕返來，用咗30個鐘終於見到愛女最後一面，但卻冇人承認錯誤，仲要話係小朋友嘅錯。

金宣兒喺屋企終於靠一支筆認出咗8年前嘅甘宇成，當日甘宇成唔肯出庭做證，令金宣兒晴天霹靂。

而《能先接吻嗎》噚晚兩集收視有至9.2%及11.6%，穩居同時段收視冠軍。

轉自 → https://hk.entertainment.appledaily.com/enews/realtime/article/20180328/58005907